نكت

ايا نبداو على بركة الله

*اياا قالك وحد الاستاذ سال تلميذ
قالو : اعطيني حيوان يبدا بحرف الضاد
قالو :ضفدع
قالو الاستاذ: احسنت جيد
قالو :زيدني حيوان واحد اخر يبدا بحرف الضاد
قالو : ضفدع واحد اخر ....................

*ايا هذي وحد القرية فيها امام يطول بزاف في صلاة الجمعة يحكمهم من 12.00 حتى 2.30
عادو كل ماتلحق الجمعة تحكمهم الخلعة هيا تلاقاو الشيوخ لكبار وتفاهمو ينحوه ويجيبو امام ثم ثم يعني ...صلي وارفع صباطك
ايا الجمعة الاولى مع الامام الجديد جاو داخلين للمسجد قالهم:
قبل ماتدخلو تعرفو قصة سيدنا موسى ولا لالا ؟؟؟؟؟؟؟
قالو :نعرفوها
قالهم :ملا خلاصت الجمعة نتاع اليوم
جاو خارجين عاجبهم الحال مع الامام الجديد
هيا قبل مايخرجو قالهم :اصبرو اصبرو قبل ماتروحو ؟؟؟
تعرفو قصة سيدنا عيسى ولا ماتعرفوهاش ؟؟؟
قالو :نعرفوها
قالهم :همالا الجمعة الجاية غير ماتجوش ..................

*ايا هذا واحد سقسى صاحبو قالو : واش معناها كلمة demain بالعربية
صاحبو قالو :الغدوة
قالو :لالا نحوس تقولي على معناها اليوم

*اياا هاذو عشرة حابسين يطبعو في bus قالك ل:bus ماتحركتش من بلاصتها في رايكم علاش ؟؟؟؟؟؟؟؟؟؟
*قالك خمسة يطبعو من قدام وخمسة يطبعو من لورا ..........
*خمسة صحاب بصح حابسين في روسهم سماو رواحهم الفرسان الثلاث .............


*ايا قالك هذي وحد المدرسة حابسين نتاع الصح من المدير حتى التلاميذ
وحد النهار جاهم المفتش دخل للقسم نوض واحد سالو في التربية الاسلامية سؤال
قالو : من كسر الاصنام
قالو التلميذ : الشيخ والله ماني انا
المفتش مافهم فيها والو قالو يا وليدي غير سالتك برك قتلك من كسر الاصنام
التلميذ قالو : والله والله والله يالشيخ ماني انا
دار المفتش للمعلم قالو واش بيه هذا
المعلم قالو : عندو الحق ماهوش هو لي كسرهم انا نعرفو طفل عاقل وقراي
المفتش مافهم في والو تقلق طلع للمدير ...لحق ليه قالو واش راه صاير عندكم هنا
المدير قالو غير الخير
قالو المتش : سقسيت التلميذ قتلو من كسر الاصنام
قالي والله ماني انا
سقسيت الممعلم قتلو : واش بيه التلميذ نتاعك
قالي :ايه عندو الحق ماهوش هو
هيا المدير قدم للمفتش وقالو : ماتدير عليهم ماوالو قلي برك وشحال السعر نتاع الاصنام هذو وانا نسلكهم .............

نتمنى ان شاء الله تعجبكم وتنحي على خاطركم شوية
ايا تحياااااتي ليكم

*خمسة صحاب بصح حابسين في روسهم سماو رواحهم الفرسان الثلاث .............